رمضان المبارک میں پیپلز بس سروس کے اوقات میں توسیع کا فیصلہ

محکمہ ٹرانسپورٹ سندھ کی جانب سے رمضان المبارک میں پیپلزبس سروس کے اوقات میں توسیع کا اعلان کر دیا۔

سینئر وزیر شرجیل میمن کا کہنا تھا کہ 15رمضان سے بس سروس رات ایک بجے تک چلائی جائے گی، اطلاق آر 1، آر  2، آر  3، آر 4، آر 9، آر 10 اور ای وی ون روٹ کی بسوں پر ہوگا۔

شرجیل میمن نے کہا کہ بسوں کے اوقات میں توسیع کا مقصد شہریوں کو مزید سفری سہولت فراہم کرنا ہے، کراچی کے شہریوں کو رمضان میں درپیش مشکلات کو سمجھتے ہیں، کراچی کے عوام زیادہ تر پبلک ٹرانسپورٹ پر انحصار کرتے ہیں۔

شرجیل میمن نے کہ حکومت سندھ عوام کی فلاح و بہبود کے لیے تمام ممکنہ اقدامات کر رہی ہے، شہری پیپلز بس سروس کی توسیع شدہ اوقات کی سروس کا بھرپور فائدہ اٹھائیں۔

اُنہوں نے کہا کہ یقینی بنایاجائے گا کہ لوگ خریداری کے بعد اپنیگھروں تک محفوظ پہنچ سکیں، حکومت کی جانب سیعوام کو بہتر اور سہولت بخش سفری آپشن فراہم کرناچاہتے ہیں۔