سعودی عرب سے مزید ایک ارب ڈالر پاکستان کو موصول

پاکستان کو سعودی عرب کی جانب سے مالی معاونت کی ایک اور قسط موصول ہو گئی ہے، جس کے تحت ایک ارب ڈالر اسٹیٹ بینک کے پاس جمع کرا دیے گئے ہیں۔

مرکزی بینک کے مطابق یہ رقم تین ارب ڈالر کے مجموعی پیکج کا حصہ ہے۔ اس سے قبل دو ارب ڈالر کی پہلی قسط 15 اپریل کو موصول ہوئی تھی۔

حکام کا کہنا ہے کہ اس مالی تعاون کا مقصد پاکستان کے زرمبادلہ کے ذخائر کو سہارا دینا اور معیشت کو استحکام فراہم کرنا ہے۔

اس سے پہلے سعودی حکومت پاکستان کے لیے تین ارب ڈالر کی مالی سہولت جاری رکھنے کا عندیہ بھی دے چکی ہے، جبکہ دونوں ممالک کے درمیان اس ڈپازٹ کو برقرار رکھنے کے لیے باقاعدہ معاہدہ بھی کیا گیا تھا۔