سونے کی بڑی چھلانگ، قیمت میں ریکارڈ اضافہ

کراچی: پاکستان میں آج کاروباری روز کے دوران سونے کی فی تولہ قیمت میں 4700 روپے کا بڑا اضافہ ہو گیا۔

آل پاکستان جیمز اینڈ جیولرز ایسوسی ایشن کا کہنا ہے کہ آج سونے کی فی تولہ قیمت میں 4700 روپے کا اضافہ ہوا جس کے بعد سونے کی فی تولہ قیمت 3 لاکھ 14ہزار روپے کی بلند ترین سطح پر پہنچ گئی۔

ایسوسی ایشن کا کہنا ہے کہ 10 گرام سونے کا بھاو 4030 روپے اضافے سے 2 لاکھ 69 ہزار 204 روپے ہوگیا ہے۔

بین الاقوامی مارکیٹ میں سونے کا بھاؤ 46 ڈالر اضافے سے 2988 ڈالر فی اونس ہے۔  

واضح رہے کہ سونے کی قیمت میں اضافے کا سلسلہ مسلسل جاری ہے، گزشتہ روز بھی سونے کی قیمت میں 2800 روپے کا اضافہ ہوا تھا۔