سونے کی فی تولہ قیمت ملکی تاریخ کی بلند ترین سطح پر پہنچ گئی

سونے کی قیمت ملکی تاریخ کی بلند ترین سطح پر پر پہنچ گئی۔

تفصیلات کے مطابق کاروباری ہفتے کے دوسرے یعنی منگل کے روز ملک بھر کے صرافہ بازاروں میں سونے کی قیمتوں میں نمایاں اضافہ دیکھنے میں آیا۔

سونے کی فی تولہ قیمت 2400 روپے اضافے کے بعد ملکی تاریخ میں پہلی بار دو لاکھ 49 ہزار 700 جبکہ دس گرام کی قیمت 2057 روپے اضافے سے 2 لاکھ 14 ہزار 77 روپے پر پہنچ گئی۔ 

 عالمی مارکیٹ میں سونے کی فی تولہ قیمت 20 ڈالرز بڑھ کر 2391 ڈالر فی اونس کی سطح پر پہنچ گئی۔