سونے کی قیمت میں آج پھر بڑا اضافہ

کراچی : پاکستان میں سونے کی قیمت اضافے کے بعد فی تولہ 3 لاکھ 62 ہزار 600 روپے پر پہنچ گیا۔

تفصیلات کے مطابق عالمی اور مقامی مارکیٹس میں سونے کی قیمت میں مسلسل اضافہ جاری ہے، پاکستان میں آج بھی سونے کی قیمت میں اضافہ ریکارڈ کیا گیا۔

مقامی صرافہ بازار میں فی تولہ سونا 900 روپے مہنگا ہو کر 3 لاکھ 62 ہزار 600 روپے پر پہنچ گیا۔

اسی طرح دس گرام سونا 772 روپے کے اضافے سے 3 لاکھ 10 ہزار 871 روپے کا ہوگیا۔

عالمی مارکیٹ میں بھی سونے کی قیمت میں اضافہ ریکارڈ کیا گیا، جہاں فی اونس سونا 9 ڈالر کے اضافے سے 3 ہزار 399 ڈالر پر ٹریڈ ہوا۔