سونے کی قیمت میں اچانک 10 ہزار کا اضافہ، خریدار پریشان

کراچی: آج کاروباری روز کے دوران  پاکستان سمیت دنیا بھر میں سونے کی قیمت بلند ترین سطح پرپہنچ گئی۔

آل پاکستان جیمز اینڈ جیولرز ایسوسی ایشن کا اپنے بیان میں کہنا ہے کہ پاکستان میں سونے کی فی تولہ قیمت 10 ہزار روپے بڑھ کر 3 لاکھ 38 ہزار 800 روپے  کی ریکارڈ سطح پر پہنچ چکی ہے۔

ایسوسی ایشن کے مطابق ملک میں 10گرام سونے کی قیمت بھی 8 ہزار 573 روپے بڑھ کر  2لاکھ 90ہزار 466 روپے ہوگئی ہے۔

دوسری جانب عالمی بازار میں سونے کی قیمت 100 ڈالر اضافے سے 3218 ڈالر فی اونس ہے۔