سونے کی قیمت میں اضافہ، عوام کے ہوش اڑ گئے

ملک بھر کے صرافہ بازاروں میں سونے کی قیمتوں میں اضافے کا سلسلہ جاری ہے، جس کے باعث سونا مزید مہنگا ہو گیا۔

تازہ اعداد و شمار کے مطابق فی تولہ سونے کی قیمت میں 1300 روپے کا اضافہ ریکارڈ کیا گیا ہے، جس کے بعد ایک تولہ سونے کی قیمت بڑھ کر 4 لاکھ 76 ہزار 162 روپے ہو گئی ہے۔

اسی طرح 10 گرام سونے کی قیمت میں بھی 1115 روپے کا اضافہ ہوا، جس کے بعد اس کی نئی قیمت 4 لاکھ 8 ہزار 232 روپے تک پہنچ گئی ہے۔

صرافہ مارکیٹ کے حلقوں کا کہنا ہے کہ سونے کی قیمتوں میں مسلسل اضافے کے باعث خریداروں، خصوصاً شادی بیاہ کی تیاریوں میں مصروف خاندانوں کو اضافی مالی بوجھ کا سامنا کرنا پڑ رہا ہے۔