سونے کی قیمت میں مسلسل اضافے کے بعد بڑی کمی

کراچی: آج کاروباری روز کے دوران چار روز تک مسلسل اضافے کے بعد فی تولہ سونے کی قیمت میں کمی آگئی۔

آل پاکستان جیمز اینڈ جیولرز ایسوسی ایشن کا اس حوالے سے کہنا ہے کہ آج سونے کی فی تولہ قیمت میں 2 ہزار روپے کمی آئی جس کے بعد  ملک میں سونے کی فی تولہ قیمت 3 لاکھ 18 ہزار 800 روپے ہے۔

ایسوسی ایشن کے مطابق ملک میں 10 گرام سونے کی قیمت بھی 1715 روپے کم ہو کر 2 لاکھ 73 ہزار 319 روپے ہے۔

دوسری جانب عالمی بازار میں سونے کی قیمت 19 ڈالر کم ہوکر 3 ہزار 31 ڈالر فی اونس ہے۔