سونے کی قیمت میں مسلسل دوسرے روز کمی ریکارڈ

عالمی بلین اور پاکستانی صرافہ مارکیٹ میں دوسرے روز سونے کی قیمت میں کمی ریکارڈ کی گئی ہے۔

بین الاقوامی بلین مارکیٹ میں فی اونس سونے کی قیمت 4ڈالر کی کمی سے 2339ڈالر کی سطح پر پہنچ گئی۔

عالمی مارکیٹ میں کمی کے باعث مقامی صرافہ مارکیٹوں میں بھی منگل کے روز 24 قیراط کے حامل فی تولہ سونے کی قیمت 500روپے کی کمی سے 240300 روپے اور فی 10 گرام سونے کی قیمت بھی 429روپے کی کمی سے 206018 روپے کی سطح پر آگئی۔

اس کے برعکس فی تولہ چاندی کی قیمت بغیر کسی تبدیلی کے 2800روپے اور فی 10 گرام چاندی کی قیمت 2400.54روپے کی سطح پر مستحکم ہے۔