کراچی میں شدید سردی، پارہ سنگل ڈیجیٹ پر آگیا

کراچی: محکمہ موسمیات کے مطابق کراچی میں آئندہ 24 گھنٹوں کیدوران موسم سرد اور خشک رہنے کا امکان ہے۔

محکمہ موسمیات کے مطابق کراچی میں کم سے کم درجہ حرارت 9.5 ڈگری سینٹی گریڈ ریکارڈ کیا گیا، شہر میں ہوا میں نمی 41فیصد جب کہ شمال مغرب سے چلنے والی ہواکی رفتار 8 کلو میٹر فی گھنٹہ ہے۔

اس کے علاوہ کراچی آلودہ ترین شہروں میں ساتویں نمبر پر ہے جس کا ائیر کوالٹی انڈیکس 189 ریکارڈ کیا گیا ہے۔

دوسری جانب بھارت کا دارالحکومت دہلی دنیا کے آلودہ ترین شہروں میں سرفہرست ہے۔

دہلی کا ائیر کوالٹی انڈیکس 519 ریکارڈ کیا گیا،  لاہور آلودہ ترین شہروں میں دوسرے نمبر پر ہے جس کا ائیر کوالٹی انڈیکس 292 ریکارڈ کیا گیا۔