ملک سے بہت زیادہ مایوس ہوں ۔۔ صحیفہ جبار سست انٹرنیٹ پر بھڑک اُٹھیں

ماڈل اور اداکارہ صحیفہ جبار خٹک نے حال ہی میں پاکستان میں انٹرنیٹ کی سست روی پر اپنی مایوسی کا اظہار کرتے ہوئے کہا کہ وہ اپنے فرصت کے وقت میں فون پر تفریح سے محروم ہوچکی ہیں۔

انسٹاگرام پر صحیفہ جبار نے اس مسئلے کو اُٹھایا، انہوں نے شکایت کی کہ وائی فائی سگنل باتھ روم تک نہیں پہنچ پاتے اور یہ کہ "4G TikTok ویڈیوز لوڈ نہیں ہوپاتیں۔

انہوں نے کہا کہ انٹرنیٹ تک رسائی میں  کمی نے ان کا وقت "بورنگ" بنا دیا ہے کیونکہ وہ عام طور پر اسے سوشل میڈیا ایپس پر صرف کرتی ہیں۔

ایک اور پوسٹ میں، صحیفہ جبار کا کہنا تھا کہ انٹرنیٹ تک رسائی ایک "بنیادی حق" ہے۔اداکارہ نے مزید واضح کیا کہ وہ سیاسی پیش رفت میں دلچسپی نہیں رکھتیں۔

صحیفہ نے ان لاکھوں پاکستانیوں کی حالت زار پر بھی افسوس کا اظہار کیا جو بے پناہ صلاحیتوں کے باوجود نظامی مسائل کی وجہ سے مشکلات کا شکار ہیں۔ انہوں نے حکومت پر زور دیا کہ وہ اپنے شہریوں کی فلاح و بہبود کو ترجیح دے ۔