معروف پاکستانی کرکٹر ہارٹ اٹیک سے اچانک انتقال کرگئے

معروف پاکستانی کرکٹر ہارٹ اٹیک کے باعث اچانک انتقال کرگئے، جس پر کرکٹ سے وابستہ لوگ شدید غمزدہ ہیں۔

اطلاعات کے مطابق پاکستان کے معروف فرسٹ کلاس کرکٹر احسن کریم ہفتے کے روز دل کا دورہ پڑنے کے باعث خالق حقیقی سے جا ملے۔

اہل خانہ نے تصدیق کی کہ گھر میں جاری تقریب کے دوران احسن کریم کی طبیعت خراب ہوئی جس پر انہیں اسپتال لے کر گئے تو وہ انتقال کرچکے ہیں۔

ڈاکٹرز نے اہل خانہ کو بتایا کہ اگر انہیں بروقت اسپتال پہنچا کر طبی امداد فراہم کی جاتی تو شاید زندگی بچ جاتی مگر بدقسمتی سے ایسا نہ ہوسکا۔