PUBG محبت: امریکی لڑکی چترالی دوست سے شادی کرنے پاکستان پہنچ گئی

 ایک 18 سالہ امریکی خاتون فلورس سارہ اپنے 23 سالہ دوست شاہد حسین سے شادی کرنے کے لیے پاکستان پہنچ گئی، دونوں کی دوستی کی ابتداء تین سال قبل آن لائن گیم PUBG کے ذریعے ہوئی تھی۔

چترال پولیس کے مطابق جوڑے کی شادی کی تقریب 19 نومبر کو لوئر چترال کے ایک نجی ہوٹل میں منعقد ہوئی ،جس کی ذمہ داری شاہی مسجد چترال کے خطیب مولانا خلیق الزماں نے ادا کی۔

سارہ کی والدہ تقریب کے دوران موجود تھیں، ان کی مکمل رضامندی کو یقینی بنایا گیا۔

مولانا خلیق الزماں نے بتایا کہ سارہ کا نام تبدیل نہیں ہوا کیونکہ "سارہ" پہلے ہی ان کے مکمل نام کا حصہ تھا۔

دلہن اور اس کی والدہ سیاحتی ویزے پر دو دن پہلے چترال پہنچیں اور اس ہوٹل میں ٹھہریں جہاں تقریب منعقد کی گئی تھی۔ شاہد حسین کا تعلق چترال کے علاقے مروئی سے ہے۔

مقامی رہائشی رئیس الدین نے بتایا کہ جوڑے نے PUBG پر ملاقات کی اور سارہ کی والدہ کی منظوری سے شادی کرنے کا فیصلہ کرنے سے پہلے تین سال دوستی برقرار رکھی۔

انہوں نے مزید کہا کہ شادی بڑے جوش و خروش اور روایتی رسومات کے ساتھ ہوئی۔ سارہ نے روایتی دلہن کا لباس پہنا ہوا تھا، جب کہ اس کی والدہ نے مقامی لباس پہنا تھا اور مہندی لگائی تھی۔تقریب میں پورے گاں کو مدعو کیا گیا تھا۔