پیٹرول کی قیمت میں بڑی کمی کا امکان

عالمی مارکیٹ میں خام تیل کی قیمت کم ہونے پر حکومت نے عوام کو ریلیف دینے کا فیصلہ کرلیا ہے۔

حکومت نے عوام کو 15 جون سے شروع ہونے والے ہفتے میں پیٹرول پر ریلیف دینے کا فیصلہ کیا ہے، جس کے تحت قیمت میں بڑی کمی کا امکان ہے۔

 عالمی منڈی میں پیٹرول کی قیمت میں 5 ڈالر 14سینٹ کی کمی ہونے کے بعد امکان ظاہر کیا جارہا ہے کہ حکومت کی جانب سے پیٹرول کی فی لیٹر قیمت میں 12 روپے کمی کی جائے گی۔

اسکے علاؤہ امکان ظاہر کیا جارہا ہے کہ پیٹرول کے ساتھ ڈیزل اور مٹی کے تیل سمیت لائٹ ڈیزل کی قیمت میں بھی کمی ہوگی۔

حالیہ کمی کے بعد فی لیٹر پیٹرول کی قیمت 256 روپے فی لیٹر پر پہنچ جائے گی۔