روس کے یوکرین پر حملے، ہلاکتوں کی تعداد بڑھ گئی

یوکرین کے مختلف شہروں پر روسی میزائل اور ڈرون حملوں کے بعد ہلاکتوں کی تعداد 22 ہو گئی ہے، جبکہ 100 سے زائد افراد کے زخمی ہونے کی اطلاعات ہیں۔

رپورٹس کے مطابق حملوں میں دارالحکومت کیف سمیت کئی اہم شہروں کو نشانہ بنایا گیا، جس کے نتیجے میں جانی و مالی نقصان ہوا اور متعدد عمارتیں متاثر ہوئیں۔

روسی میڈیا کا کہنا ہے کہ یہ کارروائیاں حالیہ یوکرینی حملوں کے جواب میں کی گئیں اور ان کا ہدف فوجی تنصیبات تھیں۔

دونوں ممالک کے درمیان جاری جنگ کے دوران حالیہ حملوں نے ایک بار پھر خطے میں کشیدگی کو بڑھا دیا ہے۔