شہریار کا حافظ قرآن ہونا مجھے بھا گیا، وینا ملک کا انکشاف

پاکستانی اداکارہ و ماڈل وینا ملک کی ان دنوں دوبارہ خبروں کی زینت بن رہی ہیں، اس کی وجہ ان کی نئی محبت یعنی شہریار چوہدری نامی شخص ہیں۔

اداکارہ  ان دنوں ٹک ٹاکر شہریار چوہدری کے ساتھ تعلق کے باعث وائرل ہورہی ہیں، شہریار ان سے عمر میں 6سال چھوٹے ہیں، دونوں کے درمیان تحفے تحائف دینے کا سلسلہ بھی جاری ہے ۔

اداکارہ کا ایک انٹرویو میں کہنا تھا کہ شہریار چوہدری نے مجھے زندگی کا مثبت اور منفرد رخ دکھایا، شہریار کا قرآن پاک کا حافظ ہونا مجھے سب سے زیادہ اچھا لگا۔

وینا ملک نے دعوی کیا کہ شہریار اور میں ایک ساتھ بہت خوبصورت لگتے ہیں، اسی وجہ سے اب میں بالی وڈ کے گانے زیادہ سننے لگی ہوں جبکہ شہریار بے پناہ مصروفیت کے باوجود میرے لیے سوشل میڈیا استعمال کرتے ہیں۔

اداکارہ نے مزید بتایا کہ شہریار بہت اچھا لکھتے ہیں ،ان کی آواز بہت سریلی ہے اور وہ گانا بہت اچھا گاتے ہیں۔