سلمان خان کی جان کو خطرے سے متعلق بھارتی نجومی کی پیشگوئی

ممبئی : بالی ووڈ اداکار سلمان خان کے بارے میں بھارتی نجومی گیتانجلی سکسینا کی پیشگوئی نے مداحوں کو تشویش میں مبتلا کر دیا۔

میڈیا رپورٹ کے مطابق گیتانجلی سکسینا نے بتایا ہے کہ 2025ء پیشہ ورانہ لحاظ سے سلمان خان کیلئے زیادہ خوش آئند نہیں ہے۔ انہوں نے کہا ہے کہ اس سال سلمان خان کو کسی بھی نئی فلم کی ریلیز سے گریز کرنا چاہئے۔

گیتانجلی سکسینا نے بتایا کہ سلمان خان کی جان کو قتل کی دھمکیاں ملنے کے باوجود بھی اس سال کوئی بڑا خطرہ نہیں ہے لیکن ستمبر اور اکتوبر کے مہینوں میں انہیں محتاط رہنا چاہئے۔

انہوں نے بتایا کہ سیکیورٹی گارڈ اور گھریلو ملازمین سمیت سلمان خان کے قریبی افراد ان کے راز بشنوئی گینگ کو بتا سکتے ہیں لیکن پھر بھی ان کی جان کو کوئی خطرہ نہیں ہو گا۔

گیتانجلی سکسینا نے بتایا کہ اگلے سال سلمان خان کسی ایسے حادثے کا شکار ہو سکتے ہیں جس میں ان کی جان کو خطرہ ہو، اس لئے انہیں اگلے سال مارچ تک اپنے تمام بڑے پراجیکٹس کو مکمل کر کے کام سے بریک لینا چاہئے اور اپریل کے بعد پورا سال بہت محتاط رہنا چاہئے۔

انہوں نے بتایا کہ سلمان خان اگر محتاط رہیں گے تو اگلے سال چاہے انہیں کسی بھی قسم کے خطرے کا سامنا کرنا پڑے بچ کر نکل آئیں گے۔