وینا ملک پھر سے محبت کر بیٹھیں؟ ایک اشارے پر سب چونک گئے

 لاہور: پاکستانی اداکارہ و میزبان وینا کے ایک بار پھر محبت میں گرفتار ہونے کی خبریں سوشل میڈیا پر وائرل ہورہی ہیں۔

سوشل میڈیا پر وینا ملک کی انسٹاگرام اسٹوریز کے اسکرین شاٹس کے خوب چرچے ہورہے ہیں، جن میں انہوں نے ایم شہریار01 نامی ایک ٹک ٹاک اکائونٹ اور شہریار چوہدری کے انسٹاگرام اکائونٹ کی ویڈیوز کو ری شیئر کیا ہے۔

وینا ملک کی جانب سے ان ویڈیوز کے ساتھ سرخ دل والے ایموجیز اور کمنٹس بھی دیے گئے ہیں، جس سے یہ گمان پیدا ہورہا ہے کہ شاید اداکارہ دوبارہ سے کسی کو دل دے بیٹھی ہیں۔

 تاہم، وینا ملک نے ابھی تک اس حوالے سے کوئی واضح بیان نہیں دیا اور نہ ہی اس مسٹری مین کا چہرہ سامنے آیا ہے۔

واضح رہے کہ یہ پہلا موقع نہیں ہے کہ اداکارہ کے کسی خاص رشتے کی خبریں سامنے آئی ہیں۔ اس سے قبل بھی ان کے افیئرز میڈیا کی شہ سرخیوں کا حصہ رہے ہیں، جیسے بھارتی اداکار اشمیت پٹیل اور پاکستانی اداکار ببرک کے ساتھ ان کی محبت کے حوالے سے خوب چرچے ہوئے تھے۔