عالیہ بھٹ اور رنبیر کپور نے بڑی کامیابی حاصل کرلی

بالی ووڈ کے سب سے بڑے ایوارڈ شو فلم فلیئر میں عالیہ بھٹ اور رنبیر کپور بہترین اداکار اور اداکارہ کا ایوارڈ لے اڑے۔

فلم فیئر ایوارڈز کے 69ویں ایڈیشن کی تقریب گزشتہ روز گجرات میں سجی، جس میں بالی ووڈ کے ستاروں اور شخصیات نے شرکت کر کے تقریب کو چار چاند لگائے۔

اس تقریب میں رنبیر کپور اور عالیہ بھٹ کی جوڑی شرکا کی توجہ کا مرکز رہی کیونکہ دونوں نے بہترین اداکار اور اداکارہ کی کیٹگری کا ایوارڈ انے نام کیا۔

عالیہ بھٹ نے فلم ’راکی اور رانی کی پریم کہانی‘ میں شاندار اداکاری کے لیے بہترین اداکارہ کا ایوارڈ جیتا جبکہ رنبیر کپور کو فلم ’اینیمل‘ میں اُن کے کردار کے لیے بہترین اداکار کا ایوارڈ ملا۔ رنبیر کپور نے اپنا ایوارڈ وصول کرتے ہوئے اپنے والد اور لیجنڈری بالی ووڈ اداکار رشی کپور کو یاد کرتے ہوئے کہا کہ وہ اپنی اداکاری کے ذریعے والد سے اپنی محبت کا اظہار کرتے ہیں۔

اس تقریب میں رنبیر کپور نے اپنی بلاک بسٹر فلم  ’اینیمل‘ کے مشہور گانے ‘جمال جمالو کدو’ پر اپنی اہلیہ عالیہ بھٹ کے ہمراہ ڈانس بھی کیا۔