عامر خان سے طلاق لینے پر خوش اور مطمئن ہوں، کرن راؤ

بالی ووڈ کی ہدایت کارہ اور مسٹر پرفیکٹ کی سابق اہلیہ کرن راؤ نے کاہ ہے کہ عامر خان سے طلاق لینا مشکل فیصلہ تھا مگر اب بہت خوش ہوں۔

اپنے حالیہ انٹرویو میں کرن راؤ نے عامر خان سے علیحدگی پر مسرت کا اظہار کرتے ہوئے طلاق لینے پر خود کو خوش قسمت قرار دیا اور کہا کہ اپنے فیصلے پر بہت زیادہ خوش اور مطمئن ہوں۔

انہوں نے بتایا کہ طلاق کے معاملے پر مجھے اپنے اہل خانہ کے ساتھ عامر کے گھر والوں کی حمایت بھی حاصل ہے، میں شادی سے پہلے بھی کافی عرصے تک اکیلی رہی اس لیے طلاق کے بعد بھی کوئی مسئلہ نہیں ہوتا۔

کرن راؤ نے کہا کہ میں اپنی آزادی انجوائے کرنی ہوں اور بیٹا میرے ساتھ ہی ہے جبکہ شادی سے قبل مجھے بہت اکیلا پن محسوس ہوتا تھا اور ایک انجانا خوف رہتا تھا۔

ہدایت کارہ نے کہا کہ میں نے طلاق کے بعد خود کو کبھی تنہا محسوس نہیں کیا اور اسی وجہ سے میرے لیے طلاق خوش آئند ثابت ہوئی۔