عائشہ عمر نے کراچی کو لاہور سے زیادہ غیر محفوظ شہر قرار دے دیا، دو موبائل چھیننے کا بھی انکشاف

پاکستانی اداکارہ عائشہ عمر نے کہا ہے کہ کراچی کے مقابلے میں لاہور جرائم کے اعتبار سے زیادہ محفوظ ہے۔

حال ہی میں معروف میزبان کے ہمراہ ایک پوڈ کاسٹ میں گورننس کے اعتبار سے عائشہ عمر نے لاہور کو کراچی سے بہتر قرار دیا اور کراچی منتقل ہونے کے بعد درپیش چلینجز پر بھی بات کی۔

عائشہ عمر نے کہا کہ کراچی میں زندگی ایڈجسٹ کرنے میں بہت سے چیلنجز کا سامنا کرنا پڑا، یہاں پوش علاقے میں بھی نکلنے میں ڈر لگتا ہے اور کبھی بھی کچھ ہوسکتا ہے۔

انہوں نے کہا کہ لاہور میں تو ہم بسوں میں سفر کرسکتے ہیں مگر کراچی میں ایسا نہیں ہے۔ ایک سوال کے جواب میں انہوں نے انکشاف کیا کہ کراچی میں میرا دو بار موبائل فون چھن چکا ہے۔

عائشہ عمر نے مجموعی بات کرتے ہوئے سوال کیا کہ آخر ’’وہ دن کب آئے گا جب میں اغوا، عصمت دری یا لوٹ مار کے خوف کے بغیر لوگ آزادانہ اور بلا خوف گھروں سے نکل سکیں گے۔

عائشہ نے کہا کہ جرائم ہر ملک میں موجود ہے، لیکن کم از کم بہت سی جگہوں پر، لوگ بغیر کسی خوف کے باہر نکل سکتے ہیں۔ بدقسمتی سے یہاں ایسا نہیں ہے اور بالخصوص خواتین کو مسائل کا سامنا ہے۔