بھارت میں خوفناک ٹریفک حادثے میں معروف اداکارہ ہلاک، اہل خانہ زخمی

بھارت میں مقامی انڈسٹری کی مشہورداکارہ کار حادثے میں ہلاک جبکہ گھر والے شدید زخمی ہوگئے۔

تفصیلات کے مطابق بھارتی کی کنڑ انڈسٹری کی معروف ڈرامہ اداکار پاویترا جے رام کی گاڑی کو حادثہ بارہ مئی کو اُس وقت پیش آیا جب وہ ریاست کرناٹکا کے ضلع منڈیا سے ہانکیرے واپس جارہی تھیں جہاں حیدرآباد دکن کے علاقے محبوب نگر کے قریب واقعہ پیش آیا۔

واپسی کے سفر کے دوران تیز رفتاری کے باعث گاڑی نے اپنا کنٹرول کھودیا اور ڈرائیور کچھ کرتے ہوئے بھی سب کچھ کرنے میں ناکام رہا جس کے نتیجے میں گاڑی متعدد گاڑیوں سے ٹکرانے کے بعد بس میں جا گھسی۔

حادثے کے نتیجے میں اداکارہ موقع پر ہی جاں بحق ہوگئیں جبکہ گاڑی میں سوار دیگر افراد شوہر، بہن اور ڈرائیور شدید زخمی ہوئے جن کی حالت تشویشناک ہے۔

اداکارہ کی اچانک موت انڈسٹری پر قیامت بن کر ٹوٹی اور ساتھی فنکاروں نے پہلے اسے تسلیم کرنے سے انکار کیا، بعد ازاں تصدیق کے بعد انہوں نے گہرے دکھ اور غم کا اظہار کیا۔

دوسری جانب پاویترا کے شوہر اور اداکار چندرکانت نے اپنے آفیشل انسٹاگرام ہینڈل پر اہلیہ کے ہمراہ لی گئی اپنی تصویر پوسٹ کی اور اہلیہ کی یاد میں جذباتی پیغام بھی شیئر کیا ہے۔