بالی ووڈ اداکارہ سویرا بھاسکر کی شوہر کے ہمراہ معروف عالم دین سے ملاقات

بالی ووڈ اداکارہ سوارا بھاسکر کی شوہر کے ہمراہ معروف عالم دین سے ملاقات ہوئی جس پر انہیں تنقید کا نشانہ بنایا جارہا ہے۔

سوارا بھاسکر اور اُن کے شوہر فہد احمد جو نیشنلست کانگریس پارٹی کے رہنما بھی ہیں انہوں نے اپنی انتخابی مہم کے تحت معروف عالم دین اور آل انڈیا مسلم پرسنل لا بورڈ کے ترجمان مولانا سجاد نعمانی سے ملاقات کی۔

ریاست مہاراشٹرا میں ریاستی اسمبلی کے انتخابات میں فہد احمد بھی نیشنلسٹ کانگریس پارٹی کے ٹکٹ پر  ریاستی اسمبلی کے انتخابات میں حصہ لے رہے ہیں۔ سوارا بھاسکر بھی شوہر کے ہمراہ ان کی انتخابی مہم چلا رہی ہیں۔

اس تصویر میں فہد کے ساتھ ان کی اہلیہ سوارا بھاسکر بھی موجود ہیں اور یہ تصویر سوشل میڈیا پر وائرل ہوئی، جو خود اداکارہ کے انسٹاگرام پر شیئر کرنے کے بعد ہوئی۔

بھارتی میڈیا کے مطابق مہاراشٹرا کی ریاستی اسمبلی کے انتخابات 20 نومبر کو ہوں گے۔