فہد مصطفی اور ہانیہ عامر کے مداحوں کیلیے بڑی خوش خبری

پاکستانی اداکار میزبان اور پروڈیوسر فہد مصطفیٰ نے کبھی میں کبھی تم کی کامیابی کے بعد ہانیہ عامر کی صلاحیتوں کا اعتراف کرتے ہوئے نیا ڈرامہ بنانے کا اعلان کردیا۔

واضح رہے کہ کبھی میں کبھی تم میں مصطفیٰ اور شرجینا کی جوڑی کو لوگوں نے پسند کیا بلکہ اس کی شہرت سرحد پار تک گئی تھی۔

فہد مصطفیٰ نے حال ہی میں ایک پوڈ کاسٹ میں گفتگو کرتے ہوئے ہانیہ عامر کی صلاحیتوں کا اعتراف کیا اور بتایا کہ ایک موقع پر انہیں احساس ہوگیا تھا کہ ہانیہ بہت بڑی اداکارہ ہے۔

انہوں نے کہا کہ ڈرامے کا وہ سین جب ہانیہ کو اپنے حمل کا اعلان کرنا تھا اُس نے اس انداز سے کیا کہ سب حیران رہ گئے یہ صلاحیت بہت کم لوگوں میں ہوتی ہے کہ وہ بناوٹ کے بغیر اس طرح کا جملہ بولیں جس میں خوشی بھی شامل ہو۔

 فہد مصطفیٰ نے یہ اعلان کیا ہے کہ وہ جلد ہانیہ کے ساتھ ایک اور نیا پراجیکٹ کریں گے تاہم انہوں نے مزید کوئی تفصیلات شیئر نہیں کیں۔