گھر پر گاڑیاں ہونے کے باوجود سیف علی خان کو رکشے میں اسپتال منتقل کیا گیا؟

اداکار سیف علی خان کو حملے کے بعد بیٹے ابراہیم نے والد کو آٹو رکشہ میں اسپتال پہنچایا

بالی ووڈ سپر اسٹار سیف علی خان کو ان کے گھر میں چاقو کے متعدد وار لگنے کے بعد ان کا بڑا بیٹا ابراہیم علی خان نے فوری طور پر آٹو رکشہ میں ڈال کر اسپتال پہنچایا۔

گزشتہ رات ایک نامعلوم شخص نے سیف علی خان کے گھر میں گھس کر ان پر چاقو سے 6 مرتبہ وار کیے جن میں سے ایک وار ریڑھ کی ہڈی کے قریب تھا۔ اس حملے میں سیف علی خان شدید زخمی ہو گئے۔

اس واقعے کے بعد سیف علی خان کا بڑا بیٹا ابراہیم علی خان نے فوری طور پر اپنی گاڑی نہ ہونے کی وجہ سے ایک آٹو رکشہ کا انتظام کیا اور اپنے زخمی والد کو گھر سے تقریباً 2 کلومیٹر دور واقع لیلاوتی اسپتال پہنچایا۔

خوش قسمتی سے سیف علی خان کی سرجری کامیاب رہی ہے اور وہ اب خطرے سے باہر ہیں۔ ان کی اہلیہ کرینہ کپور خان اور گھر کے دیگر افراد محفوظ ہیں۔

یہ واقعہ بالی ووڈ انڈسٹری میں ہلچل مچا رہا ہے اور سبھی سیف علی خان کی جلد صحت یابی کی دعا کر رہے ہیں۔