حضور ﷺ کی دل میں عزت کیلیے کسی قوم سے ہونا ضروری نہیں، بھارتی ہندو اداکارہ

بالی ووڈ اداکارہ سویرا بھاسکر نے مسلمانوں اور اسلام کے خلاف بولنے والے انتہا پسند ہندوؤں کو آئینہ دکھا دیا۔

اداکارہ نے سماجی رابطے کی سائٹ پر اپنے مسلمان شوہر اور مسلمانوں کے بارے میں پھیلائے جانے والے شر کا جواب دیا اور لکھا کہ ’میں نے سنا ہے اور طرح طرح کے الزامات مجھ پر لگے ہیں جنہیں قبول کرنے آئی ہوں‘۔

انہوں نے کہا کہ ’یہ سچ ہے کہ میں ہندو گھر میں پیدا ہوئی اور یہ بھی سچ ہے میں نے ایک مسلمان لڑکے سے شادی کی ہے‘۔

سویرا بھاسکر نے کہا کہ ’ایک اور سچ یہ ہے کہ حضور پاک ﷺ کی دل میں عزت ہونے کیلیے کسی خاص قوم میں پیدا ہونا ضروری نہیں ہے‘۔

اداکارہ نے اپنی تقریر میں بھارتیہ جنتا پارٹی کو تنقید کا نشانہ بنایا۔