کبری خان اور گوہر رشید نے نکاح کے بعد عمرہ کی سعادت حاصل کرلی

پاکستانی شوبز انڈسٹری کے معروف اداکار مرزا گوہر رشید اور اداکارہ کبریٰ خان نے رشتہ ازدواج میں منسلک ہو کر اپنی شادی کی خوشیاں اپنے مداحوں کے ساتھ شیئر کی ہیں۔

دونوں نے نکاح کے بعد عمرے کی سعادت حاصل کی اور اس موقع پر لی گئی تصاویر اور ویڈیوز کو انسٹاگرام پر پوسٹ کیا۔

تصاویر میں گوہر رشید اور کبریٰ خان کو خانہ کعبہ کے غلاف کو چھوتے ہوئے اور مسجد الحرام کے سامنے ایک دوسرے کے ساتھ مسکراتے ہوئے دیکھا جا سکتا ہے۔

انہوں نے اپنی پوسٹ کے کیپشن میں لکھا، "اللہ کے سامنے 70 ہزار فرشتے گواہ ہیں، اور رحمت ہم پر بارش بن کر برس رہی ہے۔"

یہ خبر سوشل میڈیا پر تیزی سے وائرل ہو رہی ہے، اور دونوں کے مداحوں اور ساتھی فنکاروں کی جانب سے انہیں مبارکباد کا سلسلہ جاری ہے۔

مداح اس خوبصورت جوڑے کے لیے نیک تمناؤں اور دعاؤں کا اظہار کر رہے ہیں۔