کون بنے گا کروڑ پتی میں تاریخی غلطی، امیتابھ پر تنقید

بھارت کے ریئلٹی شو کون بنے گا کروڑ پتی کے سیزن 16 کی ایک قسط میں امیتابھ بچن کو تاریخی غلطی پر شدید تنقید کا سامنا ہے۔

تفصیلات کے مطابق کون بنے گا کروڑ پتی کے سیزن 16 کی نئی قسط میں اداکار ورون دھون اپنی ویب سیری سیٹا دل ہنی ہنی کی تشہیر کے لیے آئے اور ہاٹ سیٹ پر بیٹھ کر گیم بھی کھیلا۔

اس دوران میزبان امیتابھ بچن نے ورون دھون اور ہدایتکاروں راج اور ڈی کے سے ایک تاریخی سوال پوچھا۔

انہوں نے سوال پوچھا کہ ’’کون سی اداکارہ اپنے شوہر مہاراجہ ہنوانت سنگھ کے ساتھ ہوائی حادثے میں جاں بحق ہوئیں؟‘‘ اس کے ساتھ اداکار کو آپشن ’سلوچنا، ممتاز، نادرہ اور زبیدہ‘ کے ناموں کے آپشن دیے گئے۔

اس پر ورون دھون نے زبیدہ کے نام کا انتخاب کیا، تاہم بعد میں معلوم ہوا کہ شو میں زبیدہ کے حوالے سے دی گئی معلومات درست نہیں اور نہ ہی اُن کا مہاراجہ ہنوانت سنگھ سے کوئی تعلق تھا۔

سوشل میڈیا پر امیتابھ کے شو کی غلطی کا خوب چرچہ ہوا اور اسی دوران زبیدہ بیگم کے صاحبزادے خالد محمد جو پیشے کے اعتبار سے صحافی ہیں انہوں نے کون بنے گا کروڑ پتی کی ٹیم اور میزبان سے غلطی پر وضاھت کا مطالبہ بھی کیا۔

انہوں نے لکھا کہ ’میری والدہ زبیدہ عالم آرا کی اداکارہ تھی وہ زبیدہ جن کا ذکر کیا گیا والدہ وہ نہیں تھیں‘۔

خالد محمد کے بیان کے بعد ناظرین کی طرف سے بھی اس پر ردعمل آیا، اور سوشل میڈیا پر یہ معاملہ زیر بحث رہا۔