مکیش امبانی کے بیٹے کی شادی، گلوکارہ نے پرفارم کرنے کیلیے 90 لاکھ ڈالرز لیے

بھارت کے مشہور بزنس ٹائیکون مکیش امبانی کے بیٹے کی شادی میں امریکی گلوکارہ ریانا پرفارم کرنے کے 90 لاکھ ڈالرز وصول کیے ہیں۔

تفصیلات کے مطابق بھارت کے معروف بزنس ٹائیکون مکیش امبانی کے بیٹے اننت امبانی کی شادی میں بالی ووڈ سمیت دنیا بھر کے مشہور ستاروں نے پرفارم کریں گے۔

شادی کی تقریبات مارچ کی پہلی تاریخ سے گجرات میں منعقد کی جائیں گی جس میں مہمانوں کی تواضعوں کیلیے مہنگے کھانے بھی تیار کروانے کیلیے آرڈر دیا گیا ہے۔

اننت امبانی اور رادھیکا مارچنٹ کی شادی کی پہلی تقریب ‘ایورلینڈ میں ایک شام’ کے عنوان سے رکھی گئی جس میں شہرہ آفاق امریکی گلوکارہ اور پاپ آئیکون ریانا پرفارم کریں گی، جس کے لیے وہ 29 فروری کو بھارتی ریاست گجرات کے شہر جام نگر پہنچیں۔

امریکی گلوکارہ کا جام نگر پہنچنے پر شاندار استقبال کیا گیا۔ اسٹار آئیکون گلوکارہ کی شرکت کے بعد چہ مگوئیاں تھیں کہ وہ پرفارم کرنے کے کتنے پیسے لیں گی۔

اس حوالے سے اب بھارتی میڈیا نے دعویٰ کیا ہے کہ ریانا نے تقریب میں پرفارم کرنے کیلیے 80 سے 90 لاکھ ڈالرز وصول کیے ہیں۔ ان کی رہائش، طعام اور سفری سہولیات کا انتظام میزبان کی جانب سے کیا گیا ہے۔

واضح رہے کہ اننت امبانی اور رادھیکا مرچنٹ کی شادی میں شرکت کے لیے بالی ووڈ کنگ شاہ رخ خان اور ان کی فیملی، سلمان خان، رانی مکھرجی، دیپیکا پڈوکون، رنویر سنگھ، عالیہ بھٹ، رنبیر کپور اور ارجن کپور سمیت دیگر معروف شخصیات جام نگر پہنچ چکی ہیں۔