ماورا حسین کس معروف گلوکارہ کی بہو بنی ہیں؟ بڑا انکشاف

حال ہی میں امیر گیلانی کے ساتھ ازدواجی بندھن میں بندھنے والی اداکارہ ماورا حسین کے حوالے سے دلچسپ انکشاف سامنے آیا ہے۔

یہ انکشاف کسی اور نے نہیں بلکہ ماورا حسین نے خود کیا اور بتایا کہ معروف گلوکارہ مسرت نذیر اُن کی خالہ ساس ہیں۔

مسرت نذیر کا شمار پاکستان کے معروف گلوکاروں میں ہوتا ہے جنہوں نے ’چلے تو کٹ ہی جائے گا سفر‘ سمیت متعدد مقبول گانے گائے اور وہ ان دنوں نے انسٹاگرام پر بھی ٹرینڈ کررہی ہیں۔

ماورا نے بتایا کہ مسرت نذیر ان کی سسرالی رشتے دار اور سسر کی خالہ ہیں۔ 

ماورا نے اپنی ڈھولکی تقریب کی تصاویر بھی شیئر کیں، جس میں مسرت نذیر کے مشہور گیت "چٹا ککڑ" کی دھن پس منظر میں سنائی دے رہی تھی۔

یہ گیت نہ صرف تقریب کا حصہ تھا بلکہ اس نے ماورا کے خاندانی تعلق کو بھی اجاگر کیا۔

ماورا حسین اور امیر گیلانی کی 12 فروری کو ہونے والی شادی نے ان کے مداحوں کو ان کی جوڑی کے لیے مزید دیوانہ بنا دیا ہے۔

دونوں نے مشترکہ طور پر ڈراموں جیسے "سبات" اور "نیم" میں کام کیا ہے۔ جنوری میں، ماورا نے انسٹاگرام پر ایک پوسٹ شیئر کرتے ہوئے ایک نئے پروجیکٹ کی طرف اشارہ کیا تھا، جس میں وہ عامر گلانی اور زویار اعجاز کے ساتھ نظر آئیں گی۔

مداحوں نے ماورا اور عامر کی جوڑی کو انتہائی پیارا قرار دیتے ہوئے ان کی شادی اور ان کے مستقبل کے لیے نیک تمناؤں کا اظہار کیا ہے۔ ماورا کا مسرت نذیر کے ساتھ خاندانی تعلق اور ان کے گیتوں سے جذباتی لگاؤ نے اس خبر کو مزید دلچسپ بنا دیا ہے۔