امیشا پٹیل کو 19 سال چھوٹا بوائے فرینڈ مل گیا

ممبئی : بالی ووڈ اداکارہ امیشا پٹیل کو 19 سال چھوٹا بوائے فرینڈ مل گیا، پوسٹ پر مداحوں نے دلچسپ تبصرے کرنا شروع کردیئے۔

انسٹا گرام پر بھارتی اداکارہ امیشا پٹیل نے ایک پوسٹ شیئر کی جس میں انہیں بھارتی کاروباری شخصیت نروان برلا کے ساتھ دیکھا جاسکتا ہے، نروان برلا تصویر میں امیشا پٹیل کو اپنی بانہوں میں لئے نظر آ رہے ہیں۔

اداکارہ نے تصویر شیئر کرتے ہوئے کیپشن میں لکھا دبئی میں اپنے ڈارلنگ نروان برلا کے ساتھ ایک خوبصورت شام۔امیشا پٹیل کی اس پوسٹ پر سوشل میڈیا صارفین کی جانب سے دلچسپ تبصرے کیے جا رہے ہیں۔

کچھ صارفین اس جوڑی کیلئے نیک تمنائوں کا اظہار کرتے نظر آ رہے ہیں جبکہ کچھ صارفین امیشا پٹیل اور نروان برلا کی عمروں میں 19سال کا فرق ہونے پر دلچسپ تبصرے کرتے بھی نظر آ رہے ہیں۔