2 hours ago
نصرت فتح علی خان کی آواز کا جادو ایک بار پھر سر چڑھ کر بولنے لگا
پیٹر گیبریئل کے رئیل ورلڈ ریکارڈز کے ذریعے نصرت فتح علی خان کی نئی البم چین آف لائٹ کو ریلیز کیا گیا۔
Webdesk
|
20 Sep 2024
لاہور: دنیا کے معروف قوال نصرت فتح علی خان کی آواز تین دہائیوں بعد ایک بار پھر گونج اٹھی، جسے سن کر اہل ذوق جھوم اُٹھے۔
پیٹر گیبریئل کے رئیل ورلڈ ریکارڈز کے ذریعے نصرت فتح علی خان کی نئی البم چین آف لائٹ کو ریلیز کیا گیا۔
یہ البم 1990 میں رئیل ورلڈ اسٹوڈیوز میں ریکارڈ کی گئی تھی اور 41 منٹ پر مشتمل البم چار ٹریکس پر مبنی ہے۔
اس البم میں شامل ٹریکس جیسے یا اللہ یا رحمان اور آج سکھ متراں دی سامعین کو خان صاحب کی لائیو پرفارمنسز کی طاقتور دنیا میں لے جاتے ہیں۔
یا غوث یا میر نے البم میں جوش و خروش پیدا کیا جبکہ خبرم رسید امشب خان صاحب کی آواز کی وسعت اور گہرائی کو سامنے لاتا ہے۔
البم کی ریلیز کے موقع پر پیٹر گیبریئل نے نصرت فتح علی خان کی صلاحیتوں کی تعریف کرتے ہوئے کہا کہ ان کی آواز سے جو جذبات پیدا ہوتے تھے وہ لاجواب تھے۔
Comments
0 comment