سعودی عرب میں علی ظفر کا سب سے بڑا تاریخی کنسرٹ

پاکستانی اداکار و گلوکار اور میوزک کمپوزر علی ظفر نے سعودی عرب میں تاریخ کا سب سے بڑا کنسرٹ کر کے تاریخ رقم کردی۔

عرب میڈیا رپورٹ کے مطابق ریاض میں ہونے والے علی ظفر کے کنسرٹ میں تقریبا ایک لاکھ سے زائد افراد نے شرکت کی۔

پاکستانی گلوکار نے سعودی عرب کی وزارت و اطلاعات و ثقافت کی دعوت پر ریاض میں جاری سیزن کی السویدی پارک میں جاری تقریبات میں پرفارم کیا۔

علی ظفر نے ریکارڈ تعداد میں شرکت کرنے پر مداحوں کا شکریہ ادا کیا اور کہا کہ یہاں ملنے والی عوام کی محبت سے بہت زیادہ خوشی ہوئی۔

عرب میڈیا کے مطابق علی ظفر کا کنسرٹ ریاض سیزن میں اب تک کا سب سے بڑا کنسرٹ بن گیا، انہوں نے اپنے مشہور گیت پیش کر کے محفل لوٹ لی۔