شاہ رخ اور گوری کی ایک ہی دن میں تین شادیوں کا انکشاف

بھارتی پروڈیوسر نے انکشاف کیا ہے کہ بالی ووڈ کے کنگ خان اور رومانس کے بادشاہ شاہ رخ خان اور اُن کی اہلیہ گوری نے تین شادیاں کیں۔

بھارتی ٹی وی کو دیے گئے انٹرویو میں پروڈیوسر وویک سوانی نے انکشاف کیا کہ شاہ رخ خان اور گوری نے تین مختلف مذاہب کی رسومات کے تحت ایک دن میں تین شادیاں کیں۔

پہلی شادی کورٹ میرج، دوسری مسلم اور تیسری ہندو مذہبی رسومات کے تحت ہوئی اور یہ تینوں شادیاں ایک ہی دن میں ہوئیں۔

انہوں نے بتایا کہ میں نے شاہ رخ اور گوری کو شادی پر ہوٹل میں پانچ دن کیلیے کمرہ تحفے میں دیا تھا اور اس کے لیے والد سے رقم ادھار لی تھی۔ پروڈیوسر کے مطابق گوری کےبھائی شادی سے بھرپور لطف اندوز ہوئے جبکہ گوری خود مشرقی خواتین کی طرح شرمیلی تھیں۔