شہریار منور اور اداکارہ ماہین صدیقی کی شادی کی افواہیں

پاکستانی اداکار اور میزبان شہریار منور دسمبر میں ازدواجی بندھن میں بندھنے جارہے ہیں۔

اداکار کی شادی کے حوالے سے خبر معروف صحافی عرفان الحق نے سوشل میڈیا پر شیئر کی جس کے بعد شہریار منور کو مبارک باد دینے والوں کا تانتا بندھ گیا۔

مداحوں نے شہریار منور کیلیے نیک خواہشات اور نئی زندگی میں آسانی و خوشگواری کی دعائیں کیں۔

سوشل میڈیا صارفین کا ماننا ہے کہ شہریار منور اداکارہ ماہین صدیقی کے ساتھ ازدواجی بندھن میں بندھنے جارہے ہیں۔

دونوں اداکاروں کی جانب سے اس حوالے سے کسی قسم کا کوئی بیان جاری نہیں کیا گیا تاہم صارفین اور مداح دونوں کے سوشل میڈیا پر متحرک ہونے اور ایک دوسرے کی پوسٹوں پر تبصرے کرنے کی وجہ سے شادی کا قیاس کررہے ہیں۔