شوٹنگ میں مصروف اداکار کی پراسرار موت، انڈسٹری سوگ میں ڈوب گئی

شوٹنگ میں مصروف بھارت کے 44 سالہ اداکار یوگیش مہاجن چل کی پُراسرار موت اور لاش گھر سے برآمد ہوئی ہے۔

ڈرامہ انڈسٹری کے اداکار ان دنوں ایک سیریل شیو شکتی میں مرکزی کردار ادا کررہے تھے اور انہیں پیر کے روز شوٹنگ کیلیے سیٹ پر پہنچنا تھا تاہم وہ نہیں پہنچ سکے۔

اداکار کے سیٹ پر نہ آنے اور فون ریسیو نہ کرنے پر ٹیم ممبران گھر پہنچے جہاں پر دروازہ بجاتے بجاتے تھک گئے پھر دیوار پھلانگ کر اندر گئے تو یوگیش کی لاش کمرے میں پڑی ہوئی تھی۔

اداکار کو اسپتال لے جایا گیا جہاں ڈاکٹروں نے ہارٹ اٹیک کے باعث ان کی موت کی تصدیق کی۔ اچانک انتقال پر ڈرامہ انڈسٹری سوگ میں ڈوب گئی۔