سیف علی خان پر حملے کا اعتراف، حملہ آور کا مذہب اور قومیت سامنے آگئی

بالی ووڈ کے معروف اداکار سیف علی خان کو گھر پر حملے کے دوران زخمی کرنے والے شخص نے جرم کا اعتراف کرلیا جبکہ پولیس نے حملہ آور کے مذہب اور قومیت بھی بتادی ہے۔

بھارتی میڈیا کے مطابق سیف علی خان پر حملہ کرنے والا ملزم مسلمان ہے جس کی شناخت شریف الاسلام کے نام سے ہوئی اور وہ بنگلادیشی شہری ہے۔

 پولیس تفتیش کے دوران شریف الاسلام نے حملے کا اعتراف کیا اور بتایا کہ اداکار پر چاقو کے وار اُس نے ہی کیے تھے۔

سیف علی خان پر حملے کے 70 گھنٹے بعد پولیس نے ممبئی کے علاقے باندرہ میں اداکار کی رہائش گاہ سے 35 کلومیٹر دور جنگلاتی علاقے میں قائم لیب میں چھپے حملہ آور کو گرفتار کیا۔

ایک سینئر پولیس افسر نے بھارتی میڈیا کو بتایا کہ دورانِ تفتیش ملزم نے اپنا جرم تسلیم کیا ہے۔ پولیس کے مطابق ان کو اس کیس میں اہم سراغ فون سے کی جانے والی ادائیگی سے ملا جس نے ملزم کا تعاقب کرنے میں مدد دی۔