وہاج علی ایشیا کےپرکشش مرد قرار

برطانوی جریدے نے سال 2023 کیلیے ایشیا کے پُرکشش مردوں اور خواتین کی فہرست جاری کردی جس میں پاکستانی اداکاروں کے نام بھی شامل ہیں۔

خبررساں ادارے کے مطابق برطانیہ کے ایک مشہور اخبار ’ایسٹرن آئی‘ نے معروف اداکار وہاج علی کو ’نمبر ون پاکستانی اسٹار‘ قرار دے دیا۔ برطانوی اخبار نے 2023ء کی’ٹاپ 50 ایشین سیلیبریٹیز‘ کی فہرست بھی جاری کردی ہے۔

’ایسٹرن آئی‘ کی جانب سے جاری کی گئی فہرست میں ایشیاء کی اُن شوبز شخصیات کے نام شامل کیے گئے ہیں جنہوں نے 2023 میں فلم، ٹی وی، سوشل میڈیا، موسیقی اور ادب سمیت مختلف شعبوں میں شاندار کارکردگی کا مظاہرہ کرکے مقبولیت حاصل کی ہے۔

وہاج علی ایشیا کی ٹاپ 50 شخصیات میں نویں نمبر پر ہیں اور انہوں نے کئی نامور بالی ووڈ اداکاروں کو پیچھے چھوڑ دیا ہے۔

فہرست میں وہاج علی کے علاوہ دیگر پاکستانی فنکار سجل علی، احد رضا میر، یمنیٰ زیدی، حدیقہ کیانی، عروج آفتاب اور بلال عباس خان شامل ہیں۔