کراچی میں منکی پاکس مقامی سطح پر پھیلنے لگا

شہر قائد سے ایک تشویشناک خبر سامنے آئی ہے جہاں بیرون ملک سفر نہ کرنے والے شہری کو ایم پاکس کی تصدیق ہوئی ہے۔

تفصیلات کے مطابق کراچی میں حالیہ کیس سامنے آنے کے بعد رواں سال کے کیسز کی تعداد 9 ہوگئی جبکہ گلستان جوہر کے رہائشی 40 سالہ مریض کو تصدیق کے بعد سندھ انفیکشن ڈیزیز اسپتال میں داخل کردیا گیا ہے۔

متاثرہ مریض کو نیپا اسپتال کے آئسولیشن وارڈ میں داخل کر دیا گیا ہے جہاں اسے طبی نگرانی میں رکھا گیا ہے۔

انتظامیہ کے مطابق مریض نے کبھی بیرون ملک سفر نہیں کیا اس کے باوجود نمونوں کے پی سی آر ٹیسٹ میں ایم پاکس وائرس کی تصدیق ہوئی۔

سندھ انفیکشس ڈیزیز اسپتال میں اب تک ایم پاکس کے 7 کیسز رپورٹ ہو چکے ہیں، جبکہ کراچی بھر میں ایم پاکس کے مجموعی کیسز کی تعداد 9 تک پہنچ گئی ہے۔