لفٹ استعمال کرنے والوں کی موت جلد ہوسکتی ہے!

برطانوی ماہرین نے ایک تازہ مطالعے میں بتایا ہے کہ روزانہ سیڑھیاں چڑھنے سے نہ صرف دل کی صحت بہتر ہوتی ہے بلکہ قبل از وقت موت کا خطرہ بھی 24 فیصد تک کم ہوجاتا ہے۔ 

تحقیق کے مطابق، سیڑھیاں استعمال کرنے والے افراد میں دل کے دورے یا فالج سے موت کا امکان 39 فیصد تک گھٹ جاتا ہے۔  

ناروِچ یونیورسٹی ہاسپٹل کی ڈاکٹر سوفی پیڈوک کا کہنا ہے کہ "سیڑھیاں چڑھنا ایک آسان مگر مؤثر ورزش ہے جو روزمرہ زندگی میں آسانی سے شامل کی جاسکتی ہے۔ لفٹ کے بجائے سیڑھیوں کا انتخاب کرنا آپ کے دل کو مضبوط بناتا ہے اور طویل المعیاد صحت پر حیرت انگیز اثرات مرتب کرتا ہے۔"  

ماہرین کا مشورہ ہے کہ اگر آپ کو لفٹ اور سیڑھیاں دونوں اختیارات میسر ہوں تو صحت کے لیے بہتر انتخاب سیڑھیاں ہی ہونی چاہئیں۔ 

یہ معمولی تبدیلی نہ صرف آپ کی جسمانی سرگرمی بڑھاتی ہے بلکہ سنگین امراض کے خطرے کو بھی کم کرتی ہے۔