پاکستان میں کرونا کا کیس رپورٹ

پاکستان میں ایک بار پھر کورونا کا کیس رپورٹ ہوا ہے جس کے بعد طبی ماہرین شدید تشویش میں مبتلا ہیں۔

تفصیلات کے مطابق ملتان سے تعلق رکھنے والے شہری کو بخار اور دیگر علامات کے بعد ڈاکٹرز نے کورونا کا ٹیسٹ کروانے کا مشورہ دیا۔

ٹیسٹ کی رپورٹ آنے پر انکشاف ہوا کہ 34 سالہ عبدالمجید جتوئی کورونا کا شکار ہوگیا ہے۔

کورونا ٹیسٹ مثبت آنے کے بعد ڈاکٹرز نے مریض کو آئسولیشن وارڈ میں منتقل کردیا ہے جبکہ نشتر اسپتال میں انتظامات اور احتیاطی تدابیر سخت کردی ہیں۔

ڈاکٹرز کے مطابق مریض کی حالت خطرے سے باہر ہے تاہم اُسے شدید نقاہت ہے جبکہ اُس کے گھر کے دیگر افراد محفوظ ہیں۔