پاکستان میں پولیو کا دوسرا کیس سامنے آگیا

پاکستان میں دو روز کے دوران پولیو وائرس کا دوسرا کیس بھی منظر عام پر آگیا۔

ذرائع کے مطابق چمن سے تعلق رکھنے والے سوا چار سال کے بچے میں  پولیو وائرس سے معذور ہونے کی تصدیق ہوگئی ہے۔ 

واضح رہے کہ گزشتہ روز ڈیرہ بگٹی میں ڈھائی سال کے بچے کے پولیو وائرس سے معذور ہونے کی تصدیق ہوئی تھی۔ 

یاد رہے کہ رواں سال پاکستان میں سامنے آنے والے پولیو کیسز کی تعداد 2 ہوگئی ہے۔ 

گزشتہ دنوں ملک کے مختلف علاقوں سے حاصل کیے گئے ماحولیاتی نمونوں میں پولیو وائرس کی موجودگی کی تصدیق ہوئی تھی۔