پاکستان میں سالانہ 75 ہزار بچے دل کی پیچیدہ بیماری کے ساتھ پیدا ہونے کا انکشاف

طبی ماہرین نے انکشاف کیا ہے کہ پاکستان میں سالانہ 75 ہزار سے زائد بچے پیدائشی طور پر دل کی بیماریوں میں مبتلا ہوتے ہیں۔

طبی ماہرین کے مطابق پاکستان میں پیڈیاٹرک کارڈک سرجنز (بچوں کے دل کے آپریشنز) کی تعداد بہت کم اور وسائل و ٹیکنالوجیز نہیں ہیں، جس کی وجہ سے بچوں کی پیچیدہ سرجریز ملک میں ریفر نہیں کی جاتیں۔

ان میں ایک پیچیدہ سرجری وہ ہے جس میں پیدائشی طور پر جسم سے باہر نشو نما پانے والے دل کو اس کی اصل جگہ پر مقررہ وقت میں فکس کیا جائے۔

اس بیماری کو شعبہ طب کی زبان میں ایکٹوپیا کارڈس کہا جاتا ہے جس کا صحیح وقت پر علاج نہ ہونے سے بچوں کی اموات کی شرح میں اضافہ ہو رہا ہے۔