بیٹوں کے بعد بیٹی کی پیدائش پر شعیب اختر خوشی سے نہال، نام بھی رکھ دیا

قومی ٹیم کے سابق فاسٹ بولر شعیب اختر کے ہاں دو لڑکوں کے بعد اب بیٹی کی پیدائش ہوئی ہے، جس پر وہ خوشی سے نہال ہیں۔

شعیب اختر نے سماجی رابطے کی سائٹ انسٹاگرام پر بیٹی کی ولادت کے حوالے سے خوشخبری سنائی اور بتایا کہ اُن کے گھر دو لڑکوں کے بعد اب بیٹی کی پیدائش ہوئی ہے۔

واضح رہے کہ شعیب اختر کے دو بیٹے بڑا میکائل اور دوسرا مجدد ہیں۔

انہوں نے اپنی نومولود بیٹی کو گود میں لے کر تصویر بنوائی اور اسے شئیر کرتے ہوئے سوشل میڈیا پر لکھا کہ ’میکائل اور مجدد کو بھی اب بہن مل گئی ہے‘۔

شعیب اختر نے بتایا کہ بیٹی کا نام نورے علی اختر  رکھا ہے اور اس کی پیدائش  آج 19 شعبان 1445 ہجری کو عین نماز جمعہ کے وقت  ہوئی ہے۔

واضح رہے کہ شعیب اختر کی شادی کو دس برس ہوگئے، اُن کے پہلے بیٹے کی پیدائش 2016 دوسرے کی 2019 میں ہوئی تھی۔