ڈکی بھائی کی اہلیہ نے اپنی ڈیپ فیک ویڈیو پر خاموشی توڑ دی

معروف یوٹیوبر ڈکی بھائی کی اہلیہ عروب جتوئی نے انٹرنیٹ پر ان کی ڈیپ فیک ویڈیو پر ردعمل کا اظہار کیا ہے۔

سوشل میڈیا پلیٹ فارم ایکس پرعروب جتوئی نے ڈیپ فیک ٹیکنالوجی کے بدنیتی پر مبنی استعمال پر اپنی ناراضگی کا اظہار کیا۔

انہوں نے صورتحال کی سنگینی پر روشنی ڈالتے ہوئے کہا، ''یہ دیکھنا واقعی مایوس کن ہے کہ کس طرح ڈیپ فیک ٹیکنالوجی کو افراد کی رازداری پر حملہ کرنے کے لیے غلط استعمال کیا جا رہا ہے۔''

یہ انکشاف اس وقت سامنے آیا ہے جب ان کے شوہر ڈکی بھائی نے اپنے سوشل میڈیا چینلز پر ایک ویڈیو پیغام جاری کیا تھا، جس میں اس طرح کی ڈیپ فیک ویڈیوز کے تخلیق کاروں کو بے نقاب کرنے میں مدد کرنے کی اپیل کی تھی۔

ایک ویڈیو پیغام میں انہوں نے اعلان کیا کہ جو بھی اس ویڈیو کو بنانے اور شیئر کرنے کے ذمہ دار شخص کے بارے میں معلومات فراہم کرے گا اسے اس کی طرف سے 10 لاکھ روپے کا نقد انعام دیا جائے گا۔