فلم بھول بھلیاں تھری کب ریلیز ہوگی؟ اعلان ہوگیا

ممبئی : اپنے پْرامزاح انداز میں کردار کی ادائیگی کیلیے مشہور بالی ووڈ اداکار راجپال یادیو کا کہنا ہے کہ فلم بھول بھلیاں 3 میں انکا معروف کردار چھوٹا پنڈت ذرا مختلف انداز لیے ہوئے ہوگا۔

یاد رہے کہ وہ اس سے قبل بھول بھلیاں سیریز کی دو فلموں میں یہی کردار ادا کرچکے ہیں اور اب تیسری بار یہ کردار نبھانے کی تیاری کر رہے ہیں۔ فلم بین انکے اسی قسم کے ماضی میں ادا کیے گئے پْرمزاح کرداروں پر انہیں خوب داد دیتے ہیں۔

شاہ جہاں پور میں پیدا ہونے والے 53 سالہ راجپال یادیو نے بھارتی میڈیا سے گفتگو کے دوران کہا کہ 2007 میں بھول بھلیاں کے آغاز سے چھوٹا پنڈت کے کردار نے اپنا ایک تاثر چھوڑا ہے۔

انہوں نے کہا کہ یہ واحد کردار ہے جسے سب سے پہلے منجولیکا (ودیا بالن) نے وٹنس کیا، یہ وہ تجربہ تھا جس نے میری شخصیت میں بنیادی تبدیلی پیدا کی۔واضح رہے کہ فلم بھول بھلیاں تھری یکم نومبر سے نمائش کیلیے پیش کی جائے گی۔