حماد اظہر نے دوسری شادی کرلی؟ صحافی کا دعوی

پاکستانی صحافی نجم الحسن نے پاکستان تحریک انصاف کے روپوش رہنما حماد اظہر کی معروف اینکر کے ساتھ شادی کا دعویٰ کیا۔

نجم الحسن نے سماجی رابطے کی سائٹ پر لکھا کہ ’لاہور سے تعلق رکھنے والے تحریک انصاف کے ایک ہینڈسم اعلیٰ عہدے دار نے حال ہی میں ایک صحافی خاتون سے دوسری شادی کر لی ہے ، دونوں کو مبارک ہو‘۔

اس پر حماد اظہر نے جواب میں صحافی کو مخاطب کرتے ہوئے کہا کہ اس ٹویٹ کے نیچے تو میرا ہی نام چل رہا ہے، سب دوستوں کا شکریہ جو مجھے ہینڈسم تصور کرتے ہیں البتہ اگر کبھی ایسی کوئی بات ہوئی تو آپ سب کو بروقت اطلاع دے دوں گا‘۔ 

صحافی نجم الحسن نے پی ٹی آئی رہنما کی ٹوئٹ کا جواب دیتے ہوئے لکھا کہ میں اپنی خبر پر قائم ہوں اور انکار کرنا آپ کا حق ہے ویسے حماد صاحب لاہور میں ماشاء اللہ ہینڈ سم تو آپ ہی ہیں۔

نجم الحسن باجوہ نے اپنی ٹویٹ میں خاتون کا تذکرہ تو نہیں کیا البتہ سوشل میڈیا پر اس حوالے سے اینکر شفا یوسفزئی کا نام چل رہا ہے اور صارفین کا دعوی ہے کہ حماد اظہر کی شادی بھی اُن سے ہی ہوئی ہے۔