ہانیہ عامر کے فالوورز کی تعداد 2 کروڑ سے زیادہ ہوگئی

پاکستانی سپر اسٹار ہانیہ عامر نے سوشل میڈیا پر ایک بڑا سنگِ میل عبور کر لیا ہے، وہ پہلی پاکستانی اداکارہ بن گئی ہیں جن کے انسٹاگرام فالوورز کی تعداد 2 کروڑ (20 ملین)  سے تجاوز کر گئی۔

ہانیہ عامر اپنی پُرکشش شخصیت، مداحوں سے جُڑے رہنے کے انداز اور منفرد آن لائن موجودگی کے باعث پاکستان کی سب سے بڑی ڈیجیٹل فالوونگ رکھنے والی فنکارہ بن گئی ہیں۔

ڈراموں میں کامیاب کرداروں سے لے کر انسٹاگرام پر دلچسپ اور دلکش مواد تک، ان کا سفر عالمی سطح پر بڑھتے ہوئے مداحوں کی عکاسی کرتا ہے۔