جنت مرزا سے متعلق سید نور کا اہم انکشاف

معروف فلم ساز سید نور نے ٹک ٹاکر جنت مرزا سے متعلق اہم انکشاف کرتے ہوئے کہا ہے کہ ٹک ٹاکر میں فلمی ہیروئن بننے کی خواہش ہی نہیں تھی۔

معروف فلم ساز سید نور نے گزشتہ دنوں ایک بوڈ کاسٹ میں شرکت کی جہاں انہوں نے ٹک ٹاکر جنت مرزا کے ساتھ پنجابی فلم بنانے اور اس فلم کی ناکامیابی پر مداحوں کو آگاہ کیا۔

معروف فلم ساز کا کہنا ہے کہ جنت مرزا کے کروڑوں فالوورز ہیں اور وہ اچھی ٹک ٹاکر ہیں لیکن ان میں فلمی ہیروئن بننے کا جذبہ نہیں ہے۔

سید نور نے کہا کہ مجھے ایسا لگا تھا کہ اگر میں کروڑوں فالوورز رکھنے والی ٹک ٹاکر کو فلمی ہیروئن کاسٹ کروں گا تو ان کے لاکھوں فالوورز تو فلم دیکھنے آئیں گے لیکن ایسا نہیں ہوا اور جنت مرزا کے فالوورز نے فلم سے منہ پھیر لیا۔

انہوں نے کہا کہ ٹک ٹاکر سوشل میڈیا پر بہت مقبول ہیں، ان کے کروڑوں فالوورز ہیں، وہ اپنے کام سے مطمئن ہیں، اس لیے انہیں فلم میں کام کرکے مزہ بھی نہیں آیا اور ان کے لیے فلم بہت چھوٹی چیز تھی۔

معروف فلم ساز نے جنت مرزا کی تعریف میں کہا کہ جنت مرزا ایک اچھے خاندان کی پڑھی لکھی بچی ہے لیکن ان میں فلمی ہیروئن بننے کا جذبہ نہیں ہے، اس لیے بھی ان کی فلم کامیاب نہ ہوسکی۔