کامیڈین کپل شرما ایک قسط کا کتنا معاوضہ لیتے ہیں؟

ممبئی : بھارت کے معروف کامیڈین کپل شرما تمام میزبانوں کو پیچھے چھوڑ کر مہنگے ترین میزبان بن گئے۔

معروف کامیڈین نے 2013میں' کامیڈی نائٹس ود کپل' سے اپنے شو کا آغاز کیا جس کے بعد وہ 2016 سے 2023 تک 'دی کپل شرما شو' سے عوام میں مقبول ہوگئے۔

بالی وڈ کے ستارے اس کامیڈی پروگرام میں اپنی فلموں کی پروموشن کیلئے آتے ہیں جہاں ان سے مزاحیہ گپ شپ کے ساتھ کچھ کھیل بھی کھیلے جاتے ہیں۔

بھارتی میڈیا کے مطابق کپل شرما بھارت کے مہنگے ترین میزبان بن گئے ہیں جو شو کی ایک قسط سے کروڑوں روپے کما لیتے ہیں۔

منی کنٹرول کے مطابق کپل شرما شو کا فی قسط 5 کروڑ معاوضہ وصول کرتے ہیں، صرف یہی نہیں بلکہ ان کی کل آمدنی بھی 300 کروڑ تک پہنچ گئی ہے۔

رپورٹس کے مطابق کپل شرما ممبئی کے علاقے اندھیری میں 15 کروڑ کے فلیٹ میں رہتے ہیں، ان کی ملکیت میں 25 کروڑ کا فارم ہائوس بھی ہے، اس کے علاوہ وینٹی وین سمیت 5.5 کروڑ کی 3 مہنگی گاڑیاں بھی ان کے استعمال میں ہیں۔

دوسری جانب کامیڈین سنیل گروور شو سے فی قسط 25 لاکھ روپے کی خطیر رقم بھی کماتے ہیں۔